E os luns... obradoiros!!

Os luns pola tarde temos obradoiros internivelares. Que é isto? pois nos mesturamos nenas e nenos da clase dos dinosaurios, dos caracois, e os maiores do noso corredor, os de 1º de ep. Xuntos gozamos e compartimos experiencias, coñecementos e formas de facer que nos enriquecen a uns e outras.

Neste curso as nosas mestras pensaron que nos gustarían os obradoiros de cociña, horto e construcións.
Xa vos iremos contando o que facemos en cada un deles e o ben que o pasamos, pero para que vaiades vendo, aí vos van estas fotos.

Vídeo Concerto Andando a Terra

             A Fundación TIC xa ten o vídeo do concerto "Andando a Terra" que celebramos no
Auditorio o 17 de decembro. 

            A Fundación Tic e o Centro Educativo Galén invitámosvos ao acto presidido poloPresidente da Fundación TIC e Presidente da Deputación, no que visionaremos un remix
 de como se fixo, previo á entrega dun exemplar do vídeo por familia. 

               O citado acto terá lugar no Salón de Actos da Deputación o martes 24 de febreiro 
ás 20.00 h. Estades todas e todos convidados xunto cos vosos fillos ou fillas.

Agradecémosvos de antemán a asistencia.

As familias maquillan, peitean....que artistas!

A tarde do martes da semana de entroido foi moi especial en infantil e 1º 2º de primaria. Non só  porque tiñamos obradoiro de maquillaxe senón tamén porque ían compartir con nós esa tarde as familias. Fixéronnos peiteados, pintamos as unllas e enfeitaron as nosas caras ata parecer as personaxes que cada un de nós escollera.

 Xa vedes, cada ano as familias se van facendo máis expertas!!!

 Que obras de arte non si??

Grazas a todas as mamá e papás por facer esta tarde un chisco máis especial se cabe.

Xa sabedes que en Galén é importante a vosa colaboración e implicación  nas aulas facendo deste espazo un lugar de encontro e intercambio.

Grazas!!

Caretas e Garabatas!!

Non só iamos comer docer de entroido non.

Outra das tardes desta semana adicámola a facer na aula caretas e un complemento para disfrazarnos.

Os nenos e nenas da clase dos caracois fixemos, con un plato de papel e un pouco de papel de cores unha careta de león coa súa fermosa melena.

Na clase dos dinosaurios fixemos uns coelliños do máis simpáticos.

 

E para locir elegantes fixemos unhas garabatas ben grandotas que nos sentan requeteben.

Cociña de Entroido

Esta semana, previa á festa de Entroido foi, como cada ano, moi moi especial.

Hoxe ímosvos ensinar o ben que o pasamos os nenos e  nenas de Infantil e 1º 2º ep no obradoiros de  cociña, con receitas propias destas datas.

O luns fixemos obradoiro de cociña típica de entroido: filloas e rosquillas.

Ademais de ir preparando as masas e dándolles formas ás rosquillas, os nenos e nenas de 1º EP lanzámonos sen pizca de reparo a facer o postre estrela destas datas: as filloas. Quen dixo medo???

Con un chisco de axuda mesturamos os ingredientes e ata manexamos a tixola con moita arte!!!

Mirade mirade:

 

E por suposto despois de tremendo traballo....a comelas!  

 

As rosquillas tamén se nos deron moi moi ben, e isto de ter que facelas coas mans ten as súas vantaxes para ir probando a masa ao tempo que producimos aron en serie jeje!!!

 Tamén fixemos uns paquetiños para levalas a casa e compartilas. 

Foi un día delicioso!!!

ROBBY & PATCH AT LÚA'S HOUSE!

Ola queridos e queridas;

Aquí voltamos a estar de novo para ensinar e compartir con vós a experiencia vivida con Lúa e a súa familia que tan ben nos atenderon e coidaron o día que pasamos con eles na súa casa. 

Ao chegar á casa o primeiro que fixemos foi merendar un bocadillísimo de chourizo case tan grande coma Patch e mais eu.
 Despois estivemos tocando instrumentos varios, entre o piano (o meu favourito), a guitarra, a gaita, e mesmo a zanfona (a favorita de Patch). Logo estivemos xogando e como ía tanto frío botámoslle máis leña ao lume. Fixemos un lumeeee!!!

Antes de cear un riquísimo caldo de berzas e unha boa tortilla de patacas con ovos das pitas da casa, aseámononos e cambiamos a Ío, a fermosa irmá pequecha de Lúa. E con tanta  actividade marchamos durmir pero non sen antes ler un conto de animais.

Unha vez máis, e como poderedes comprobar nas fotos que foi un día xenial. Aproveitamos para agradecer que compartan con todos nós estas fabulosas fotos que nos encantan, e de seguro que a vós tamén.

See you next time!

ROBBY & PATCH AT LEO'S HOUSE!

Bo día a todos e todas;

Volvemos a andar por aquí e esta vez para contarvos que estivemos na casa de Leo e a súa familia e pasámolo pipa!
 Saímos do cole e marchamos para a súa casa onde estivemos xogando a reo co scooter e logo co kart. A Leo e mais a Robby gústanos máis o primeiro, a Patch gústame máis o segundo.Despois aseámonos, e descansamos un chisco antes de cear para pouco despois deitarnos.

Despois dunha longa noite de sono e descanso, erguémonos e fomos a almorzar, para logo cepillar os  dentes, e gastámoslle unha broma a Leo e á súa familia escondéndonos na lavadora. Vaia risas nos botamos! Foi divertidísimo, aínda que Leo non tardou moito en atoparnos. Despois marchamos para o cole a gozar, aprender e compartir todo con todos e todas.

A continuación veredes as fotos que esperamos vos gusten tanto a vós como a nos, e despedímonos ata moi pronto agradecéndolle a Leo e a súa familia os coidados e mimos prestados.

Venres 6

TEmos clases e actividades habituais, tentade evitar a ponte.

Xoves 5

Temos clases e actividades habituais.

Día de Folerpas e Sorrisos!!

Esta mañá foi moi especial.
Chegamos ao cole e....estaba todo nevado!!! Dende que chegamos estabamos con moitísimas ganas de saír a tocala...pisala...lanzala e xogar con ela.
Pasamos un ratiño estupendísimo...como mola o inverno!!

 

 

ROBBY & PATCH AT JAIRO'S HOUSE!

Boas a todos e todas;

Aquí estamos Robby e Patch de novo, para compartir con vós a vivencia con Jairo e a súa familia hai uns días. E outro día máis, gozamos infinito. Fomos ao parque, xogamos ao escondite -que por certo ,atopar a Robby costounos... naceu para xogar a este xogo-, merendamos, peiteáronos -que foi unha gozada-, coñecemos a unha cobaia chamada Lila... E cando nos demos conta, xa rematara o día e había que deitarse, e durmimos e descansamos de fábula. 

Aquí vos deixamos as fotos que esperamos que vos gusten tanto como a nós, e ao mesmo tempo queremos agradecerlle a Jairo e á súa familia tanta atención, amor e cariño.

'Til next time!