Boas queridos e queridas!
Outro ano máis, Robby e Patch voltamos para percorrer unha nova aventura, e así coñecérmonos mellor e pasar un día xuntos en familia compartindo con vós tarefas, lecer, e todo canto queirades e nos deixedes. Este ano contamos coa novidade de que imos Robby e Patch xuntos, porque sempre nos e vos contamos e compartimos as nosas experiencias, pero ocorreusenos ir xuntos e ala... listo!
Estamos superansiosos e con moitas gañas de gozar con todos vós, grandes e pequenos, desta fabulosa e tan querida experiencia.
Como non podía ser menos, Ana, a nosa profe e amiga, levounos un día á súa casa e fixemos unha morea de cousas, coma sempre. Primero fomos mercar unhas flores e mentress ela preparaba o xantar, nós preparámoslle uns bonitos e sinxelos floreiros cos que sorprendela.
E despois de xantar...a recoller. Entre tanta emoción chegou un amiguiño que se chama Smack, un peluche moi simpático e gracioso, pero confuso porque quere ser moitas cousiñas pero non ten claro o que: "que si cocodrilo; non, mellor loro; ai, case mellor coello; non, non, non, non, xa sei, que tal un coelorodrilo?; ai como cansa isto, case mellor son eu, que tamén estou e son xenial!". Bueno, que ao final, acabamos por nos caracterizar todos e foi superdivertidisísimo, tanto é así que xogamos unha miguiña coa pelota e ao pouco tivemos que durmir unha pequena sesta para recuperarmos forzas. Aínda quedaba moito día por diante!!
Unha vez marchou Smack, marchamos con Ana a mercar pintura para unha habitación que polo de agora está de laranxa. Como sabedes está felizmente embarazada e agora dalle por querer pintar. De todo o posible, entre todos escollemos pintar e logo poñer unhas pegatinas decorativas. Unha vez pagamos, marchamos correndo e fomos con ela a clase de Pilates prenatal, onde o pasamos de marabilla.
Despois ...a cear!!. Ana tiña fame e antoxo de sushi, así que fomos a un lugar onde sirven comida xaponesa, e probamos por primeira vez unha comida, para nós deliciosa. Ao rematar, e para facilitar a dixestión, voltamos para a casa dando un paseo e nada máis chegar á casa caemos rendidos. Foi un día espléndido e que queremos compartir con vós. Esperamos que vos guste!
Vémonos moi pronto!