Os nenos e nenas cantan ao Apalpador

Aquí tedes o agasallo do Apalpador:

Visitamos o estudo de gravación "Abrigueiro"

O mes de decembro é un mes máxico que quixemos empezar en Infantil con un proxecto ben bonito, cargado de emotividade e no que o pasamos xenial familias, profes e pequechas e pequechos.

Xa sabedes os máis veteranos que moi pretiño de aquí de Lugo, nas montañas do Courel, vive unha personaxe moi entrañable, de oficio carboeiro, que pola noite de Nadal baixa das montañas para percorrer toda Galicia visitando as casas dos nenos e nenas cando están durmidiños para apalparlles a barriguiña, ver se comeron ben e abondo, e deixarlles unha presiña de castañas e mais algún agasallo que el mesmo fai coas súas mans con elementos da natureza. Si, si!!! O APALPADOR!!!.

Pois ben, con David e Catuxa, os nosos profes de música, aprendemos unha cantiga que fala del e conta esta historia. Unha cantiga feita a partires dun poema de Xurxo Valcárcel  ao que David, coa súa zanfona lle compuxo unha música. E claro, cantámola tan ben e gustábanos tanto que acordamos facer algo máis con ela.
E aquí chegou Arturo, o papá de Aroa da clase dos tiburóns, que nos convidou ao seu estudo de gravación Abrigueiro para que puidesemos sentirnos como os artistas de verdade e....Gravar a música e as nosas voces nun disco. UAUEEEE!!! que grande idea.

E alá fomos no bus, ata a casa de Aroa, Carmen e Arturo a pasar o día. Acolléronnos marabillosamente e ademais da parte técnica da grabación, pasamos un día xenial en contacto coa natureza, xogando na casiña da árbore, nas randeiras, co balón, coa herba, coa terra......

Aquí vos deixamos algunhas das fotos dese gran día que pasamos en Friol nas que poderes ver o entorno privilexiado do que gozamos e o ben que o pasamos nos descansos. A parte musical e de estudo....non queremos amosárvola aínda....temos sorpresas.....de momento isto é todo.

Almorzando

Como non, logo do almorzo tocou un descanso ben merecido...

Xantar!!!: empanada e "Hot Dog"!!!

  

  E logo... máis xogo...

 

A xornada rematou con todos nós esgotados pero moi moi satisfeitos e satisfeitas polo gran traballo conseguido con moito esforzo e ilusión por parte de todos e todas. 

Sabemos que estades desexando ver máis... SEGUÍDENOS CON ATENCIÓN.....TRAERÁ O APALPADOR O AGASALLO AO BLOG??

Aniversarios Novembro - Decembro

Ainssss....con tanta actividade non tivemos ocasión de felicitar aos cumpleañeiros de novembro e decembro. Aquí van xuntiños!!!
En novembro cumpriron anos...

E en decembro...

  Esta entrada é a derradeira que faremos de cumples deste ano 2015... vémonos o vindeiro ano con máis celebracións!!!

Horario de oficina Nadal

O Centro permanecerá pechado, por necesidades de mantemento ata o comezo do trimestre o vindeiro 7 de xaneiro, Mentres atenderémosvos na oficina do Campo Castelo nos días e horario detallado nesta entrada. Tamén podedes enviarnos un correo electrónico a info@centrogalen.com.

PROGRAMA DE NADAL

Estamos de Nadal!! 

Aquí vos deixamos o programa de festas, lembrade que o venres rematamos ao mediodía!

SAÍDA DE BUSES

EI, EP e 1º-2º ESO saen ás13:15h

3ºe 4º ESO e BAC saen ás 13:30h

Humpty Dumpty

Good morning everybody!


Hoxe ímosvos contar una historia: a de Humpty Dumpty!

 Os nenos e nenas de terceiro de infantil gozanis moito con ela e con todas as actividades que fixemos ao redor desta personaxe. Cantamos, debuxamos, xogamos e.... moito máis!
 Aquí vos deixamos un video para facervos  partícipes do ben que o pasamos no noso cole "learning English!"


See you son :)

Visita do papá de Álvaro

O xoves pasado tivemos a visita dun papá, o de Álvaro, que nos veu contar como se festexaba o Nadal nun país que el coñecía ben: Alemaña.
Falounos de cando el tiña a mesma idade que nós e de como celebraban alí estas festas, do Advento, de San Nicolás, dos agasallos que lle deixaban aos nenos e nenas naquel país, do frío e da neve que por estas datas cobre os tellados..

Ademais preparamos unha bebida típica para combatir o frío:  ponche.

ZUME DE UVA, DE LARANXA, CANELA,CRAVO,AZUCRE..

E probamos unhas galletas típicas, que como nos deixou a receita imos tentar facelas na clase para que poidades probalas o día da festa.

SAÚDE!!

E por último, presentounos unha canción de Nadal alemana que vai ser a nosa canción nas Audicións de Nadal. Estades convidados a vir claro!!

                                                 " kling glöckchen klingelingeling"

Moitas grazas a Richard por agasallarnos cun anaquiño da túa infancia en Alemaña. 

Proxecto lombrigas

As nenas e nenos de EP comezamos un proxecto moi interesante: as lombrigas

Queriamos saber moitas cousas sobre elas: que comen? teñen ollos? teñen fillos? como viven?.. e moitisimas máis!

Pensamos que non horto había moitas, pero que ir todos os días a observalas ía ser un pouco complicado, así é que montamos unha casiña para elas na aula.

Primeiro fomos ao patio a recoller area, e grava miúda e algunha pedra.

Montamos o terrario seguindo os pasos indicados e logo metemos as lombrigas que recolleramos no horto, e ate lle puxemos unhas follas de verdura

Despois con Elia observamos a través do microscopio unha lombriga que atopamos morta, e poidemos ver moitos detalles do seu corpo.....e tamén, un escarabello, que estaba vivo e aínda nos deu algún susto!

A investigación continúa... xa vos contaremos..!

Museo Provincial: buscando animais!!

O pasado xoves os nenos e nenas de Infantil participamos nunha actividade ben chula no Museo Provincial de Lugo, titulada........................

Iamos con moitas expectativas xa que para moitos era a primeira vez que iamos ao museo cos nosos compañeiros e compañeiras. reciviunos a nosa guía, Cristina, cargadiña con mooooitas sorpresas.

Empezamos a nosa aventura nunha sala aberta moi grande na que está exposto un MOsaico moi moi grande que nos explicou estaban nas casas dos romanos para adornar o chan e....feitos con pedriñas moi pequerrechas e de varias cores que formaban os debuxos e formas xeométricas. como teñen mile sde anos e só queda ese, pois non podiamos tocalo así que Cristina deixounos unhas caixiñas con teselas para velas máis de preto .

Explicounos tamén que tiñamos unha misión: converternos en detectives e atopar os animais perdidos por todo o museo. Para axudarnos entregounos a cada un unha viseira especial de visión de animais e foinos ensinando as tarxetas dos animas que tiñamos que buscar. Habíaos por todas partes: nas pinturas, nas esculturas, nas xoias, nos reloxos, na louza antiga, nos mosaicos... bufff canto descubrimos!!!

 

Pasámolo moi ben, estivemos moi metidos nas nosas funcións e foi unha maneira de percorrer o museo e ver algunhas das obras dunha maneira motivadora e divertida.

as familias van ao cole 2

Esta semana foi o turno das familias da clase dos Tiburóns, 3ºde Infantil, que viñeron á clase para compartir unha tarde coas outras familias e as profes do curso.

Como xa vos contamos aquí estas reunións de grupo son importantes por unha banda para crear outro  espazo máis de comunicación familia-escola e para compartir as nosas vivencias, emocións, dificultades e visións arredor do proceso de aprendizaxe e a crianza dos nosos fillos e fillas.

 
Ademais as profes da etapa nos contaron, neste caso, cousiñas ao redor do proceso de aprendizaxe da lectura e a escritura, a metodoloxía que se sigue no cole e como dende a casa podedes fomentar esa curiosidade e gusto polomundo da lectura e escritura, para nós un proceso máxico e moi moi enriquecedor.

E como non, os nenos e nenas da clase querían que vos sentírades como na casa.....bueno, esta é tamén a vosa casa!! pero para facelo se cabe aínda máis agradable cociñaron unhas "minimadalenas" que polos restos que quedaron cremos que estaban boísimas, jejeje. Verdade??

Visita de Fredo Fox

Aos nenos de nenas de 1º, 2º e 3º de  EP visitounos Fredo Fox. Estaredes pensando... e quen é Fredo fox?  Pois un raposo verde, moi simpático e viaxeiro, e tamén moi falador!

Amosounos vídeos de nenos e nenas coma nós, pero que vivían moi, moi lonxe, en Hispanoamerica, e contounos as cousas que tiñan, e as que non tiñan.
Tamén nos falou dos dereitos de todos os nenos e nenas, e do importantes que son todos eles.

Grazas a Unicef e a súa presidenta  Myriam Garabito, a  Eduardo e Antonio por 

darnos a coñecer  como viven outros nenos e nenas e facernos pasar un momento ben agradable.

E moitas, moitas grazas a Fredo Fox por facernos partícipes de outras realidades.

O bosque en Outono

Ola a todos e todas!
Despois da gran festa do Magosto  aínda nos quedaron ganas de seguir investigando sobre o outono e... que mellor maneira de facelo que sair ao monte a ver todas as marabillas que nos trae esta formosa estación.
Para esta saída contamos coa colaboración do papá de Jairo: Miguel que nos quixo amosar os bosques que hai na contorna da súa casa.

Comezamos o día moi nerviosos... íamos facer a primeira saída do curso e puxémonos mans á obra:

botas de auga... postas!
abrigos... postos!
.......................... pois xa estamos preparados e preparadas!

Subimos ao bus e entre cancións e risas... chegamos!

Foi Miguel quen nos recibiu e o primeiro sitio ao que  nos levaron el e Jairo foi un bosque cheeeo de carballos e castiñeiros que agocha, debaixo da terra, un castro aínda por descubrir. Alí atopamos un recuncho que semellaba máxico, repleto de follas e con pequenos tesouros agochados: castañas, cogumelos e até limacos (eses animaliños baballentos tan riquiños....que parecen caracois que perderan a súa cuncha) que atopamos sen problema porque somos uns graaandes investigadores e investigadoras... e tamén valentes exploradores e exploradoras que nos lanzamos a coronar os cumios que rodeaban o castro coma uns campións e campionas!

Ao longo de todo o paseo Miguel foinos explicando e amosando os nomes e características dos cogumelos que atopamos, e se algo nos quedou moi moi claro é que: NUNCA comades ou toquedes un cogumelo se non estades seguros de que clase é!

Logo de tanto paseo e emocións de súpeto comezamos a escoitar ruxidos... grrrrr noooon, non vos asustedes, eran os nosos estómagos que son moi puntuais e clamaban polo almorzo.

Desfixemos o camiño andado e fomos á casa de Jairo onde nos puxemos as botas con galletas con forma de castaña que fixo Selene, a mestra de inglés, e mmmm que ricas estaban (levaban chocolate!) e acompañámolas cuna batidos de chocolate e chocolatinas que o papá de Jairo nos trouxo!

Despois de repoñer forzas toca facer un pouco de exercicio....Imaxinades  o que se nos ocorreu??? Pois sí, fomos xogar no estupendo  xardín da casa de Jairo e pasámolo xenial!!!

Todo o que vos contamos aquí non reflicte realmente o ben que o pasamos, por iso pensamos que a mellor presentación é este vídeo que preparamos con moitísimo agarimo, agardamos que gocedes con el!

Que vos pareceu? Fermoso a que sí? Pois todo isto non sería posible sen a colaboración dos papás de Jairo, especialmente a de Miguel, que buscou un oco para colaborar con nós, dende aquí moitííísimas grazas por todo!

Seguide moi pendentes do blog porque deseguida teredes novas nosas! 

Biquiños mil da Clase dos Dragóns e dos Tiburóns!!!

Magosto 2015

Xa celebramos a tradicional festa do Magosto a semana pasada e foi...todo un éxito!!

Como ledes, o mércores pasado pola tarde os nenos, nenas e profes dende 1 EI ata 1º de BAC comemos castañas, bailamos, compartimos emocións e pasamos unha tardiña moi animada.

Pero non só a festiña estivo xenial senón tamén os preparativos. Nos diferentes grupos puxemos a funcionar a nosa creatividade recicladora.

En infantil reutilizamos botellas de auga que con un pouco de trapillo e algo de maña cosendo (si si cosemos!!) fixemos uns bolsiños do máis lindos para meter as castañas.

En 1º e 2º de Primaria reutilizamos cartón ondulado das embalaxes para facer uns conos con tapiña personalizados cos nosos debuxos moi pero que moi chulos.

 

E como gran colofón á festa que compartimos todos os nenos, nenas, rapaces, rapazas, mozos, mozas, mestres, mestras,... Vaia, todo Galén!!! Ata Robby nos acompañou mirade mirade:

Alí, no patio, logo de comer as castañas cantamos, bailamos, rimos e sobre todo pasamos unha tarde estupenda. A banda de músicos da Escola de Música Cantarela puxeron son ás cancións e bailes que estivemos preparando nas semanas previas: "A Carolina", "Ven bailar Carmiña", "O Sacristán de Coimbra", "O Valpaso... Que ben o pasamos!!!

As familias van ao cole 1

Esta semana tocoulles o turno ás familias de 1º e 2º de Infantil, a Clase dos Dragóns, compartir coas profes unha tarde na que falaron de.....FALARON DE NÓS!!!

Como o oídes. Os papás e mamás do grupo teñen dúas citas ao longo do curso (en novembro xa iniciado o cole e avanzado o período de adaptación, e en Maio para contarnos como foi o curso) para poder compartir inquedanzas e coñecer de primeira man como estamos no cole, que facemos e como medramos e aprendemos no cole Galén.
Nesa reunión de maiores están as nosas profes, a coordinadora da etapa e a orientadora que está presente ao longo de toda a etapa nas reunións individuais de cada familia así como tamén nestas grupais.

En Galén a comunicación coas familias e a participación das mesmas é moi importante nesta tarefa compartida que é acompañar aos nosos pequechos na aventura de medrar e aprender. De aí que ademais do contacto día a día directo coa titora(as mamás e papás entran ata as aulas cada día a levarnos e recollernos) se establezan dúas reunións individuais(como mínimo) de cada familia coa titora e a orientadora  xunto coas dúas de grupo  para ademais favorecer o intercambio entre as familias do mesmo e falar da evolución do grupo como tal.

Pois ben, esta primeira reunión da clase dos Dragóns foi esta semana. Os obxectivos da mesma eran:

1.Valorar a evolución do periodo de adaptación.
2.Establecer contacto entre as familias do grupo
3.Crear un clima de colaboración familia-escola con propostas de actividades conxuntas
4.Informar ás familias da metodoloxía propia de Galén na etapa de Infantil
5 .Recoller posibles suxestións das familias

Os nenos e nenas, sabendo que os papás e mamás ían estar na nosa aula, quixemos facer todo o posible para que se sentisen tan a gusto coma nós e decidimos prepararlles un delicioso Biscoito con Mazás que tiñamos na aula do Proxecto de Outono que estamos a iniciar.....e polo que vimos que sobrou.....debia estar riquísimoooooo!!!

E non só nós tiñamos sorpresas.....Tamén as profes sorprenderon e deixaron emocionadas ás familias compartindo un video no que se nos ve como foi o período de adaptación, o día a día na aula, coas nosas rutinas e momentos característcos. E sobre todo puideron ver que xa nos sentimos moi  a gusto, cada día máis  seguros e autónomos e con ganas de facer moitas cousas novas cos nosos compis e as profes que nos acompañan día día.
Pero que mellor que velo para valoralo non??' Aquí tendes o video do noso período de adaptación. Disfrutádeo:

Grazas a todas ás familias por acompañarnos nunha tardiña chuviosa pero especial.

Aniversarios de Outubro

No mes de Outubro cumpriron anos...

  PARABÉNS!!!

Halloween 2015!!

Esta última semana do mes de Outono foi intensa, emocionante e divertida grazas á preparación e celebración da festa de orixe Celta, O Samaín, que no cole traballamos dende a área de Inglés dende Infantil ata Secundaria. Así que para nós é o Halloween.

No blog de Primaria e Secundaria podedes ver a súa festa. En Infantil, como aínda nos asustamos un chisco e non entendemos da mesma maneira esta festa, gozamos da parte máis amable e gozamos moitísimo de compartir  momentos moi especiais para todas e todos.

Como marca a tradición quixemos coverter as cabazas en divertidos, e un chisco terroríficos, "Jack O¨lantern" así que, que mellor que inaugurar a tanda de colaboracións nas aulas coas familias con este obradoiro do mércores dende EI ata 2º de EP!!

 Así foi mooooito máis doado e por suposto máis gustoso pois que as familias participen directamente nas aulas é para nós moi moi importante. 

Como podedes ver ano tras ano imos aumentando participación e contanmos con mamás, papás, avós e avoas...foi xenial!!!
Grazas a todas e todos pois para profes, nenas e nenos foi estupendo compartir con vós a tardiña e estivemos moi moi a gusto.


 Despois de baleirar tantas cabazas quixemos aproveitalas ao máximo: as pebidas foron á horta para que o vindeiro outono poidamos recoller mooooitas cabazas de novo e coa carne......Pois a COCIÑAR!!!!

Cabaza cocida, un pouco de aceite, fariña, azucre moreno, levadura, pebidas de chocolate e......ao forno!!!

xa vedes que molde tan chulo nos prestou a mamá de Valeria!!!...............e estaba riquísimo!!!

Esta é a mesma receita que utilizamos para as magdalenas de cabaza que fixemos na estadía as nenas e nenos de 1ºEP, só cambia o molde. Animádevos a facelo e...contádenos como vos saíu vale???

E tamén houbo tempo para a música e o espectáculo. Para algúns de nós foi a estrea de verdade pois foi a nosa primeira actuación ante o público!!!
 
Nos primeiros momentos estabamos expectantes e incluso un chisco cortados pero...pouco a pouco fomos animándonos e gozando do momento.....que vos parece???

Rematou a Estadía de Outono

O venres foi o último día de estadía, e a pesares de estar moi cansos aínda nos quedaban folgos para saír de novo ao bosque a seguir explorando.

Fomos a un prado verde e soledado e atopamos.... sapos, chinches, saltóns, arañas...

Pero entre tantos animais e plantas tamén tivemos tempo para cociñar unhas deliciosas madalenas de outono con cabaza e pedaciños de chocolate!!!

Tempo ......paras e  experimentar coas cores e  pintar!

...para facer festa..

e tamén para descansar!

estamos desexando que sexa a vindeira !!!